Şikayətçinin problemi həllini tapıb
Fevralın 6-da Novator.az-a şikayət edən 1954-cü il təvəllüdlü paytaxt sakini Cəmilə Minqəli qızı Həsənova Bakı Şəhər İcra Hakimiyyətindən gileylənmişdi. O bildirmişdi ki, 2009-cu ildən 2018-ci ilin dekabr ayına kimi Bakı Şəhər İcra Hakimiyyətinin Kino Xidməti İdarəsində xadimə işləyib, ancaq işdən çıxandan sonra əmək kitabçasını ala bilmir. Şikayətçi qeyd etmişdi ki, 2013-cü ildən pensiyaçıdır, işsiz qaldığına görə pensiyasının məbləği artırılmalıdır, bundan ötrü isə əmək kitabçasını Dövlət Sosial Müdafiə Fonduna təqdim etməlidir.
Şikayət Novator.az-da işıqlandırıldıqdan sonra Cəmilə Həsənova Bakı Şəhər İcra Hakimiyyətinin kadr məsələləri sektoruna dəvət olunub və ona əmək kitabçası təqdim edilib, bununla da problem həllini tapıb.
