İllik qəza statistikası
2018-ci ildə Azərbaycanın avtomobil yollarında 1817 və ya 2017-ci illə müqayisədə 0,9 faiz az yol-nəqliyyat hadisəsi baş verib, qəzalarda zərər çəkən şəxslərin sayı 1,5 faiz azalaraq 2433 nəfər olub. Novator.az-ın məlumatına görə, Dövlət Statistika Komitəsi bildirir ki, qəzalarda 722 nəfər həlak olub, 1711 nəfər yaralanıb.
Yol-nəqliyyat hadisələrinin 47,5 faizi nəqliyyat vasitələrinin və piyadaların, 32,4 faizi bir neçə nəqliyyat vasitəsinin, 20,1 faizi bir nəqliyyat vasitəsinin iştirakı ilə baş verib.
Qəzalarda həlak olanların 76,5 faizi, yaralananların 74,1 faizi kişilərdir.
Nəqliyyat vasitələrinin sərxoş vəziyyətdə idarə olunması səbəbindən 49 hadisə baş verib, nəticədə 27 nəfər ölüb, 36 nəfər yaralanıb.
İl ərzində yol hərəkəti qaydaları əleyhinə aşkarlanmış inzibati xətaların sayı 2017-ci ilə nisbətən 1,3 faiz artaraq 3 milyon 409,7 minə çatıb. Qaydaların pozulmasına görə 85,6 milyon manat məbləğində cərimələr tətbiq edilib.
