Rusiya paytaxtı Moskvanın rəsmi statistika qurumu 2018-ci ilin 11 ayı üzrə hesabat yayıb. Novator.az xəbər verir ki, hesabata əsasən, ötən il dekabrın 1-nə paytaxtda orta aylıq əməkhaqqı 80 min 881 rubl (2095 manat) olub. Bu, 2017-ci ilin göstəricisi ilə müqayisədə 11,7% çoxdur.

Sosial xidmət sahəsində orta maaş 83 min 599 rubl (2164 manat), təhsil sektorunda 86 min 144 rubl (2231 manat), informasiya və rabitə sahəsində 118 min 903 rubl (3080 manat) göstərilir.

Rəsmi statistikaya görə, 2018-ci il noyabrın 1-nə Azərbaycanın paytaxtı Bakıda orta aylıq nominal əməkhaqqı əvvəlki ilin müvafiq dövrünə nisbətən 0,1 faiz artaraq 783,4 manat olub.

Səidə Hüseynova