Milli çempionatlarda vəziyyət
İspaniya milli futbol çempionatında 22-ci turun oyunları keçirilib. Novator.az-ın məlumatına görə, “Barselona” 50 xalla liderdir. “Atletiko”nun 44, “Real”ın 42, “Sevilya”nın 36 xalı var. Dördlüyü 32 xalla “Xetafe”, “Betis” və “Alaves” izləyir.
22 oyundan sonra İtaliya çempionatında turnir cədvəlinə 60 xal yığan “Yuventus” başçılıq edir. “Napoli” 51, “İnter” 40, “Milan” 36, “Roma” 35 xal toplayıb.
Almaniya çempionatında 20 turun ardından Dortmund “Borussiya”sı 49 xalla öndədir. “Borussiya” (Mönhenqladbah) və “Bavariya” 42, “Leypsiq” 37 xal götürüb.
Fransa çempionatında 21 oyuna 56 xal yığan PSJ birincidir. “Lill” 23 oyuna 46, “Lion” 43, “Sent-Etyenn” 22 oyuna 37 xal toplayıb.
İngiltərə çempionatında 25-ci tur bu gün bitir. Turnir cədvəlinə ehtiyatda bir oyunu olan “Liverpul” başçılıq edir: 61 xal. “Mançester Siti” 59, “Tottenhem” 57, “Çelsi” 50, “Mançester Yunayted” 48, “Arsenal” 47 xal yığıb.
