Avropanın qəza statistikası
Avropa İttifaqının ali icra orqanı olan Avropa Komissiyası birlik ölkələri üzrə yol qəzası hesabatı yayıb. Novator.az xəbər verir ki, hesabata əsasən, 28 ölkə arasında yol qəzaları ən çox Avstriyada baş verir. Bu ölkədə 10 min sakinə 44 yol qəzası düşür.
Avropa İttifaqının yol qəzaları sıralamasında Almaniya ikinci (10 min sakinə 37 yol qəzası), Belçika üçüncüdür (10 min sakinə 35 yol qəzası).
Sloveniya, Portuqaliya, Malta və İtaliyada 10 min insana 30 yol qəzası qeydə alınır.
Hesabatda yol qəzalarının ən az baş verdiyi Avropa İttifaqı ölkəsinin Danimarka olduğu bildirilir. Bu ölkədə 10 min adama 5 yol qəzası düşdüyü vurğulanır.
Kiprdə 10 min sakinə 7,5 yol qəzası, Finlandiyada 8,5 yol qəzası düşür.
Səidə Hüseynova
