Ən təhlükəsiz ölkə hansıdır?
“Global Finance” jurnalı təhlükəsiz ölkələrin adlarını açıqlayıb. Novator.az-ın məlumatına görə, 128 ölkənin yer aldığı təhlükəsizlik reytinqinin tərtibatında hərbi münaqişə ehtimalı, iqtisadi inkişaf səviyyəsi, cinayətkarlığın və şəxsi təhlükəsizliyin həddi, habelə təbii fəlakət ehtimalı kimi meyarlar nəzərə alınıb.
Təhlükəsiz ölkələr siyahısına İslandiya başçılıq edir.
İlk onluqda İsveçrə, Finlandiya, Portuqaliya, Avstriya, Norveç, Qətər, Sinqapur, Danimarka və Yeni Zelandiya da yer alır.
Azərbaycan təhlükəsiz ölkələr siyahısında 71-ci yerdə göstərilir.
Estoniya 17-ci, Latviya 24-cü, Litva 25-ci, Qazaxıstan 44-cü, Gürcüstan 49-cu, Ermənistan 62-ci, Tacikistan 68-ci, İran 77-ci, Qırğızıstan 89-cu, Türkiyə 107-ci, Rusiya 108-cü, Ukrayna 116-cı pillədə qərarlaşıb.
Sonuncu – 128-ci sırada Filippin göstərilir.
Səidə Hüseynova
