Rəsmi iddiaçıların sayı 22-yə çatdı
Ukraynada prezidentliyə iddiaçıların rəsmiləşməsi davam edir. Novator.az-ın məlumatına görə, Mərkəzi Seçki Komissiyası yanvarın 28-də Ruslan Koşulinskinin, Aleksandr Danilyukun və İlya Kivanın namizədliklərini qeydiyyata alıb.
Bununla da namizədlərin sayı 22-yə çatıb. Martın 31-də keçiriləcək prezident seçkisinə daha əvvəl bu şəxslər buraxılıb: İqor Şevçenko, Andrey Sadovıy, Valentin Nalivayçenko, Sergey Kaplin, Vitali Skotsik, Anatoli Qritsenko, Yevgeni Murayev, Vitali Kupriy, Olqa Boqomolets, Aleksandr Şevçenko, Gennadi Balaşov, Roman Nəsirov, Yuri Boyko, Yuliya Timoşenko, Oleq Lyaşko, Aleksandr Moroz, Aleksandr Vilkul, Dmitri Dobrodomov, Arkadi Kornatski.
35 yaşa çatan, son 10 ildə Ukraynada daimi yaşayan və dövlət dilini bilən ölkə vətəndaşları prezidentliyə namizəd ola bilər. Prezidentliyə iddiaçılar 2,5 milyon qrivna (150 min manat) girov da qoymalıdır. Prezident seçilə və ya ikinci tura çıxa bilməyən şəxsin seçki girovu dövlət büdcəsinə köçürülür.
Hazırda prezident postunu Pyotr Poroşenko tutur. O, 2014-cü il mayın 25-də Ukrayna prezidenti seçilib.
