Böyük Britaniyanın “Quacquarelli Symonds” təhsil agentliyi ali məktəbləri məzunların məşğulluq səviyyəsinə görə qiymətləndirən reytinq hazırlayıb. Novator.az bildirir ki, reytinq dünya üzrə 42 min işəgötürən arasında aparılan sorğunun nəticələri əsasında tərtib olunub, tələbə və işəgötürən arasındakı əlaqə, məzunların təhsil nəticələri, işəgötürənin nüfuzu, işəgötürənlərlə əməkdaşlıq və məşğulluq səviyyəsi kimi meyarlara əsaslanır.

Siyahıya ABŞ-ın Massaçusets Texnologiya İnstitutu liderlik edir.

İkinci və üçüncü pillələrdə bu ölkənin Stenford və Kaliforniya universitetləri qərarlaşıb.

Reytinq cədvəlinin ilk onluğunda sonrakı sıralama belədir: Harvard Universiteti (ABŞ), Sidney Universiteti (Avstraliya), Melburn Universiteti (Avstraliya), Kembric Universiteti (Böyük Britaniya), Kaliforniya Tədqiqat Universiteti (ABŞ), Sinxua Universiteti (Çin), Oksford Universiteti (İngiltərə).

Səidə Hüseynova