Rusiyalılar niyə kredit götürür?
Rusiya sakinlərinin 32%-i kredit ödəyir. Novator.az-ın məlumatına görə, “MAGRAM Market Research” agentliyinin apardığı tədqiqat bunu göstərib.
Qurumun hesabatına əsasən, kreditə girənlər orta hesabla gəlirinin 26%-ni banklara ödəyir.
Az gəlirli rusiyalılar daha çox istehlak kreditləri (68%), gəliri yüksək olanlar ipoteka krediti (54%) götürür.
Sorğu göstərib ki, respondentlərin 32%-i istehlak kreditini əsasən evini təmir etmək məqsədilə götürür.
Sorğuya qatılanların 25%-i maşın, 18%-i məişət texnikası və elektrik malları almaq üçün kreditə girdiyini vurğulayıb.
Kreditə girənlərin 13%-i bankdan götürdükləri vəsaiti gündəlik tələbata, 9%-i digər kredit borcunu qapatmağa, 7%-i müalicəyə, 5%-i məzuniyyətə və ya toya xərcləyir.
Bankdan borc götürənlərin yalnız 1%-i pulu biznesə və ya təlimə sərf etdiyini deyib.
Kreditə ən çox 25-44 yaş arası insanların girdiyi məlum olub.
Səidə Hüseynova
