Sorğu: rusiyalıların 25 faizi işləmir
2018-ci ildə Rusiyada işləyən əhalinin 10%-nin maaşı artıb. Novator.az-ın məlumatına görə, “Romir” tədqiqat holdinqinin apardığı sorğunun nəticələri belə göstərib.
Bütün federal subyektlərin şəhərlərini əhatə edən sorğuya yaşı 18-i keçmiş 1100 respondent qatılıb.
Əməkhaqqında artım qeydə alınan sorğu iştirakçılarının yarısı ötən il maaşlarının 10% yüksəldiyini bildirib.
Respondentlərin 6%-i əməkhaqqının azaldığını bəyan edib.
63% son yarım ildə karyerasında heç bir dəyişikliyin olmadığını və əvvəlki iş yerində çalışdığını vurğulayıb.
Sorğu son 6 ayda əhalinin yalnız 6%-nin iş yerini dəyişdiyini üzə çıxarıb. Onların 23%-i yeni iş yerini dərhal tapdığını, 49%-i buna 2-6 həftə vaxt sərf etdiyini, 15%-i isə hələ də yeni iş axtarışında olduğunu deyib.
İşləməyən rusiyalıların sayı 25% göstərilir.
Səidə Hüseynova
