On ildə ilk dəfə: Rusiya əhalisi 86,7 min nəfər azalıb
Rusiyanın Federal Statistika Xidməti yeni demoqrafik hesabat açıqlayıb. Novator.az xəbər verir ki, hesabata əsasən, 2019-cu il yanvarın 1-nə Rusiyanın 146 milyon 793,7 min nəfər əhalisi var.
2018-ci ildə əhalinin sayının 86 min 700 nəfər azaldığı vurğulanır. Bu, 2008-ci ildən bəri ilk azalmadır.
2017-ci ildə əhalinin sayında 76 min 100 nəfər artım qeydə alınmışdı.
Federal Statistika Xidmətinin məlumatına əsasən, 2019-cu ilin əvvəlinə ölkənin şəhər əhalisinin sayı 109 milyon 451,3 min nəfər, kənd əhalisinin sayı 37 milyon 342,4 min nəfərdir.
2019-cu ilin əvvəlinə paytaxt Moskvanın daimi əhalisi 12 milyon 630,3 min nəfər olub.
Səidə Hüseynova
