Mehmanxanaları ucuz və bahalı şəhərlər
“Globehunters” turizm agentliyi beşulduzlu mehmanxanaları olan 170 ölkədəki qiymətləri araşdırıb. Novator.az-ın məlumatına görə, ən ucuz beşulduzlu mehmanxanaların Türkiyənin Antalya şəhərində olduğu üzə çıxıb: gecəsi 39,6 dollar.
Meksikanın paytaxtı Mexikoda beşulduzlu mehmanxananın gecəsi 41,4 dollar, Misirin Şərm-əl-Şeyx şəhərində 50,5 dollar, Ukraynanın paytaxtı Kiyevdə 51,2 dollar göstərilir.
Hesabata əsasən, ABŞ-ın San-Fransisko şəhərində beşulduzlu mehmanxanada gecələməyə 554,6 dollar, Boston şəhərində 539,8 dollar, Nyu-York şəhərində 469,6 dollar, Los-Anceles şəhərində 445,7 dollar, Yaponiyanın Kioto şəhərində 534,2 dollar ödəmək lazım gəlir.
