Ötən ilin inflyasiya göstəricisi açıqlandı
Dövlət Statistika Komitəsi istehlak bazarında qiymətlərin 2018-ci ildə necə dəyişdiyini açıqlayıb. Novator.az bildirir ki, rəsmi hesabata görə, 2018-ci ildə istehlak məhsulları və xidmətlər 2017-ci ilə nisbətən 2,3 faiz, o cümlədən ərzaq məhsulları, içkilər və tütün məmulatları 1,7 faiz, qeyri-ərzaq malları 2,6 faiz, əhaliyə göstərilən ödənişli xidmətlər 2,7 faiz bahalaşıb.
2018-ci ilin dekabr ayında istehlak məhsullarının və xidmətlərin qiymətləri 0,8 faiz, o cümlədən ərzaq məhsulları, içkilər və tütün məmulatlarının qiymətləri 1,7 faiz, qeyri-ərzaq mallarının qiymətləri 0,2 faiz, əhaliyə göstərilən ödənişli xidmətlərin qiymətləri isə 0,1 faiz artıb.
