Avro yenə yüksəlişdə
Mərkəzi Bank yanvarın 9-da avronun kursunu 1,9482 manata qaldırıb. 2019-cu il girəndən bu valyuta yüksələn xətlə gedir. Yanvarın 3-də avro 1,9323, yanvarın 4-də 1,9369, yanvarın 7-də 1,9415, yanvarın 8-də 1,9446 manata satılıb.
Novator.az-ın məlumatına görə, bahalaşan Gürcüstan larisi bu gün banklara 0,6373 manata, dəyər itirən Türkiyə lirəsi 0,3106 manata təklif olunur.
ABŞ dolları (1,7 manat) və Rusiya rublunun (0,0254 manat) rəsmi qiymətləri dəyişməyib (Məzənnələr).
Gürcüstan larisi 2019-cu ilə 0,6346, Rusiya rublu 0,0245, Türkiyə lirəsi 0,3141 manatla start verib.
Dollar isə 2018-ci il martın 7-dən 1,7 manata satılır.
Dövlət Neft Fondu Mərkəzi Bankın 2018-ci ildə keçirdiyi valyuta hərraclarında satdığı valyutanın həcmini 6 milyard 460,4 milyon dollar göstərib. Rəsmi hesabatlara görə, ötən il yanvarın hərraclarında fonddan 299,1 milyon dollar, fevralın hərraclarında 364,1 milyon dollar, martın hərraclarında 647 milyon dollar, aprelin hərraclarında 802,6 milyon dollar, mayın hərraclarında 422,7 milyon dollar, iyunun hərraclarında 439 milyon dollar, iyulun hərraclarında 536,6 milyon dollar, avqustun hərraclarında 733,7 milyon dollar, sentyabrın hərraclarında 394,8 milyon dollar, oktyabrın hərraclarında 489,6 milyon dollar, noyabrın hərraclarında 654,1 milyon dollar, dekabrın hərraclarında 677,1 milyon dollar məbləğində vəsait alınıb.
