İspaniya milli futbol çempionatında 18-ci turun oyunları keçirilib. Novator.az-ın məlumatına görə, lider “Barselona” xal sayını 40-a çatdırıb. Onu 35 xalla “Atletiko”, 33 xalla “Sevilya” izləyir. “Alaves”in 31, “Real”ın 30 xalı var.

Digər aparıcı çempionatlar fasilədədir. İngiltərədə “Liverpul” tətilə 54, “Mançester Siti” 50, “Tottenhem” 48 xalla yollanıb. “Çelsi” 44, “Arsenal” 41, “Mançester Yunayted” 38 xal yığıb.

İtaliya çempionatında turnir cədvəlinə 19 turda 53 xal yığan “Yuventus” başçılıq edir. “Napoli” 44, “İnter” 39, “Latsio” 32, “Milan” 31, “Roma” 30 xal toplayıb.

Almaniya çempionatında Dortmund “Borussiya”sı 42 xalla öndədir. Onu 36 xalla “Bavariya” izləyir. “Borussiya” (Mönhenqladbah) 33, “Leypsiq” 31 xal götürüb.

Fransa çempionatında 17 oyuna 47 xal yığan PSJ öndədir. “Lill” 19 oyuna 34 xal götürüb, 18 oyun keçirən “Lion” isə 32 xal toplayıb.