Yoxlamaları dayandıran qanun yeniləndi
Milli Məclisin 27 dekabr iclasında sahibkarlıq sahəsində aparılan yoxlamaların dayandırılması barədə qanuna dəyişiklik edilib.
2015-ci il noyabrın 1-dən qüvvədə olan qanun yoxlamaları 2021-ci il yanvarın 1-dək yasaqlayır.
Novator.az bildirir ki, yeniliyə görə, nəzərdə tutulmuş müddətdə vergi yoxlamaları, dərman vasitələrinin keyfiyyəti, təhlükəsizliyi qaydalarına riayət edilməsi və qida məhsullarının təhlükəsizliyinə nəzarətin həyata keçirilməsi ilə bağlı yoxlamalar, “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunun tələblərinə əməl edilməsinə nəzarət üzrə yoxlamalar, habelə insanların həyat və sağlamlığına, dövlətin təhlükəsizliyinə və iqtisadi maraqlarına mühüm təhlükə yaradan hallar üzrə yoxlamalarla yanaşı gömrük auditi də aparıla bilər.
Qanunun müddəaları Baş Prokurorluğun korrupsiya cinayətlərinin araşdırılması üzrə apardığı yoxlamalara şamil edilmir.
