Azərbaycan Dəmir Yolları dekabrın 30-dan Bakı-Gəncə-Bakı istiqamətində sürətli sərnişin qatarının hərəkətinə start verir. Rəsmi məlumata görə, sürət qatarı ayın cüt günlərində Bakıdan, tək günlərində Gəncədən səhər saat 9-da yola düşəcək.
Qatarın yolda olma müddəti 4 saat 28 dəqiqədir. Biləcəri, Yevlax və Goran stansiyalarında dayanacaqlar mövcuddur.
4 vaqondan ibarət qatarda 367 oturacaq yeri var.
Biletin qiyməti birinci kateqoriya (9 yer) üzrə 100 manat, biznes kateqoriyası (62 yer) üzrə 50 manat, standart kateqoriya (296 yer) üzrə 15 manatdır.
