Rusiyada əhalinin banklara borcu 48% artıb
Rusiyanın Birləşmiş Kredit Bürosu 2018-ci ilin yanvar-noyabr ayları üzrə hesabat yayıb. Novator.az-ın məlumatına görə, 11 ayda əhalinin kredit borcunun ötən ilin eyni dövrünə nisbətdə 48% artaraq 7,67 trilyon rubla çatdığı qeyd olunur.
Yanvar-noyabr aylarında kreditlərin sayında 18% artım qeydə alınıb.
Bu ilin noyabrında 2017-ci ilin eyni ayı ilə müqayisədə pərakəndə kreditlərin məbləği 33% çoxalaraq 813,67 milyard rubla çatıb.
Nağd kredit sahəsində daha çox artım qeydə alındığı vurğulanır: 51%. Orta məbləğ 286 min rubl göstərilir.
Birləşmiş Kredit Bürosunun məlumatına görə, yeni ipoteka kreditlərinin məbləği 28% yüksələrək 266,14 milyard rubla çatıb.
Kredit kartlarının məbləğində 19%, avtomobil kreditlərinin məbləğində 21% yüksəlmə var.
Səidə Hüseynova
