Noyabrda vergi orqanlarına 8,6 min müraciət daxil olub
2018-ci ilin noyabr ayında vergi orqanlarına 8638 müraciət daxil olub. Onların 86,6 faizi ərizə, 13,1 faizi şikayət, 0,3 faizi təklifdir.
Vergilər Nazirliyi bildirir ki, müraciətlərin 36,1 faizi yoxlamalar, 35,8 faizi müxtəlif arayışların alınması, 10,8 faizi vergi borcları, 2,6 faizi vergidən yayınma, qanunsuz sahibkarlıq fəaliyyəti, nağd hesablaşmaların aparılması qaydalarının pozulması, qalanları digər məsələlərlə bağlı olub. Müraciətlərin 77,1 faizi müsbət həll edilib.
