11 ayın hasilatı
Energetika Nazirliyi noyabrın hesabatını yayıb. Rəsmi məlumatda ay üzrə gündəlik neft hasilatı 801 min barrel göstərilir.
Novator.az bildirir ki, bu ilin yanvar ayında gündəlik neft hasilatı 814,6 min barrel, fevral ayında 806 min barrel, mart ayında 794 min barrel, aprel ayında 785,7 min barrel, may ayında 801 min barrel, iyun ayında 792 min barrel, iyul ayında 773 min barrel, avqust ayında 774 min barrel, sentyabr ayında 796 min barrel, oktyabr ayında 783 min barrel olub.
Dekabrın 7-də Avstriyanın paytaxtı Vyanada neft ixrac edən ölkələrin rəsmilərinin görüşü keçirilib. Azərbaycanın energetika naziri Pərviz Şahbazovun da qatıldığı görüşdə neft hasilatının 2018-ci ilin oktyabr ayı səviyyəsindən gündəlik 1,2 milyon barrel azaldılması barədə qərar qəbul olunub. Azərbaycan hasilatı 20 min barrel azaldaraq 763 min barrel həcmində saxlamağa razılaşıb.
“AzəriLayt” markalı Azərbaycan nefti dekabrın 11-də 62,73 dollara satılır.
2018-ci ilə 69,89 dollarla start verilib. Fevralda ilk qiymət 70,33 dollar, martda 66,61 dollar, apreldə 69,86 dollar, mayda 75,95 dollar, iyunda 79,46 dollar, iyulda 79,23 dollar, avqustda 75,75 dollar, sentyabrda 79,73 dollar, oktyabrda 85,94 dollar, noyabrda 77,23 dollar, dekabrda 61,13 dollar olub.
Azərbaycanın 2018-ci il büdcəsində neftin qiyməti 55 dollardan götürülüb.
