Rusiyada orta pensiya nə qədərdir?
Rusiyanın Pensiya Fondu ən çox və az pensiya verilən bölgələrin siyahısını açıqlayıb. Novator.az-ın məlumatına görə, 2018-ci ilin ilk yarısında ən yuxarı pensiya Çukot Muxtar Mahalında qeydə alınıb. İyulun 1-nə bölgədə orta pensiya məbləği 25 min 173 rubl olub (644 manat).
Orta pensiya məbləği üzrə ilk beşlikdə Nenetsk Muxtar Mahalı (22 min 50 rubl), Maqadan vilayəti (21 min 508 rubl), Kamçatka diyarı (21 min 342 rubl) və Yamalo-Nenets Muxtar Mahalı da (21 min 8 rubl) göstərilir.
Hesabata görə, iyulun 1-nə ən aşağı orta pensiya Kabarda-Balkar (11 min 413 rubl), Dağıstan (11 min 653 rubl) və Kalmık (12 min 137 rubl) respublikalarında rəsmiləşib.
Azərbaycanın Dövlət Sosial Müdafiə Fondunun hesabatına əsasən, 2018-ci il oktyabrın 1-nə təyin olunmuş aylıq pensiyaların orta məbləği 221 manatdır.
Səidə Hüseynova
