Milli çempionatlarda nə yenilik var?
Avropanın aparıcı milli futbol çempionatları davam edir. Novator.az-ın məlumatına görə, “Liverpul” İngiltərə çempionatının 16-cı turunda liderliyi ələ alıb: 42 xal. Onu 41 xalla “Mançester Siti” izləyir. “Tottenhem” 36 xalla üçüncü pillədə qərar tutub, “Çelsi” və “Arsenal”ın isə 34 xalı var.
15 turu oynanan İspaniya çempionatında lider “Barselona” 31 xal toplayıb. “Sevilya” və “Atletiko”nun 28, “Real”ın 26, “Alaves”in 24 xalı var.
Almaniya çempionatında 14 tur arxada qalıb. Dortmund “Borussiya”sı 36 xalla öndədir. Onu 29 xal yığan “Borussiya” (Mönhenqladbah) təqib edir. “Bavariya” 27, “Leypsiq” 25 xal götürüb.
İtaliya çempionatında 15 turun ardından 43 xalla “Yuventus” ilk pillədədir. “Napoli”nin 35, “İnter”in 29, “Milan”ın 26, “Latsio”nun 25 xalı var.
Fransa çempionatında 17-ci turun çox oyunu ölkədəki iğtişaşlara görə təxirə salınıb. Bu birincilikdə 16 oyuna 44 xal yığan PSJ öndədir. “Lill” 17 oyuna 31 xal əldə edib. 16 oyun keçirən “Monpelye” 29, “Lion” 28, “Marsel” və “Sent-Etyenn” 26 xal toplayıb.
