Əmlak Məsələləri Dövlət Komitəsinin 4 dekabr hərracında 4 kiçik dövlət müəssisə və obyekti, 4 qeyri-yaşayış sahəsi və 7 nəqliyyat vasitəsi özəlləşdirilib.

Səbail rayonunda ümumi faydalı sahəsi 36,9 kvadratmetr olan qeyri-yaşayış obyektinin hərracında 2 sifarişçi mübarizə aparıb. Qalib iştirakçı ilkin qiyməti 13 min 500 manat olan əmlak üçün 28 min manat təklif edib.

Özəlləşdirilən 7 avtomobildən 3-nə ümumilikdə 8 sifariş verilib. Buraxılış ili 2006, ilkin hərrac qiyməti 3 min manat olan “VAZ” markalı avtomobil üçün iştirakçılardan biri 4 min 350 manat ödəyib.

Dekabrın 11-i keçiriləcək növbəti hərraca ümumilikdə 83 dövlət əmlakı çıxarılıb. Onların 35-i kiçik dövlət müəssisə və obyekti, 21-i qeyri-yaşayış sahəsi, 7-si nəqliyyat vasitəsi, 20-si səhmdar cəmiyyətidir.