Paytaxtın demoqrafik göstəriciləri
2018-ci ilin əvvəlindən Azərbaycan paytaxtında əhalinin sayı 11,3 min nəfər artaraq oktyabr ayının 1-nə 2 milyon 273,9 min nəfərə çatıb. Novator.az-ın məlumatına görə, Bakı Şəhər Statistika İdarəsi bildirir ki, əhalinin 49,8 faizi kişilər, 50,2 faizi qadınlar olub.
Yanvar-sentyabr ayları ərzində Ədliyyə Nazirliyinin qeydiyyat şöbələri Bakı şəhərində 22494 doğulan körpə qeydə alıb.
Doqquz ay ərzində paytaxtda 9980 ölüm halı, 11304 nikah, 3611 boşanma rəsmiləşib.
