11 ayın məzənnələri
2018-ci ilin on birinci ayının son rəsmi məzənnələri açıqlanıb. Novator.az-ın məlumatına görə, Mərkəzi Bank noyabrın 30-da ABŞ dollarını 1,7, avronu 1,9367, Gürcüstan larisini 0,6355, İngiltərə funt sterlinqini 2,1727, Rusiya rublunu 0,0257, Türkiyə lirəsini 0,3297 manata satır (Tam siyahı).
Dollar 2017-ci ili 1,7001 manatla başa vurub və həmin kurs bu il martın 7-dək qüvvədə olub. Həmin gündən dollar banklara 1,7 manata təklif edilir.
Avro 2018-ci ilə 2,0431, lari 0,6601, funt 2,2985, rubl 0,0297, lirə 0,4495 manatla start verib. 11 ayda avro 0,1064 manat, lari 0,0246 manat, funt 0,1258, rubl 0,0004 manat, lirə 0,1198 manat ucuzlaşıb.
Bu ilin yanvar-oktyabr aylarında Mərkəzi Bankın manatı qorumaq üçün keçirdiyi valyuta hərraclarında Dövlət Neft Fondu 5 milyard 129,2 milyon ABŞ dolları dəyərində vəsait satıb.
Noyabrın 1-nə Mərkəzi Bankın valyuta ehtiyatının həcmi 5 milyard 536,4 milyon dollar olub.
