11 ayın populyar adları
2018-ci ilin yanvar-noyabr aylarında Azərbaycan Respublikasında doğulmuş uşaqlara qoyulan adların statistikası bəlli olub. Novator.az-ın məlumatına görə, oğlan adları içində Yusif birincidir. Bu ad 11 ayda 2231 uşağa verilib.
Digər populyar adlar kimi Əli (1829 uşaq), Hüseyn (1686), Uğur (1390), Ömər (1385), Məhəmməd (1213), Murad (1183), Ayxan (968), Tunar (848) və İbrahim (704) göstərilir.
11 ayın ən populyar qız adı Zəhradır. Ədliyyə Nazirliyinin təqdim etdiyi statistikaya əsasən, bu il Azərbaycanda Zəhra adını 2242 uşaq alıb.
Populyar adlar onluğunda Nuray (1514 uşaq), Aylin (1434), Məryəm (1416), Zeynəb (1374), Fatimə (1241), Mələk (1172), İnci (1084), Dəniz (965), Mədinə də (892) var.
Son 5 ilin lider adları olan Yusif adı 16896 nəfərə, Zəhra adı 15961 nəfərə qoyulub.
