Rusiyanın ən yaxşı şəhərləri
Rusiya hökumətinə məxsus Maliyyə Universiteti rifah halı yüksək olan şəhərlərin siyahısını açıqlayıb. Novator.az-ın məlumatına görə, reytinq tibbi xidmətin keyfiyyəti, yol təsərrüfatının durumu, təhsil və mədəniyyətin inkişafı, mənzil-kommunal təsərrüfatının fəaliyyəti və mənzil tikintisinin həcmi kimi göstəricilərə əsaslanır.
Ekspertlər şəhər hakimiyyətlərinin işini, əhalinin öz gəlir səviyyəsinə və şəhərin yaşayış üçün rahatlığına verdiyi qiyməti, habelə miqrasiya ovqatı dərəcəsini də nəzərə alıblar.
Reytinq tərtibçiləri 250 mindən çox sakini olan 78 şəhərdə bu il aparılmış sosioloji tədqiqatların nəticələrindən və Federal Statistika Xidmətinin məlumatlarından yararlanıblar.
Rifah halının yüksək olduğu şəhərlər siyahısına Tümen başçılıq edir. İkinci yerdə Qroznı, üçüncü yerdə paytaxt Moskva gəlir.
İlk onluqda Kazan, Soçi, Yekaterinburq, Sankt-Peterburq, Çerepovets, Tula və Surqut şəhərləri də yer alır.
Səidə Hüseynova
