Türkmənistana səfər edən prezident İlham Əliyev noyabrın 22-si Aşqabaddakı Müstəqillik Meydanında rəsmən qarşılanıb. AZƏRTAC xəbər verir ki, Türkmənistanın dövlət və hökumət nümayəndələri, xarici ölkələrin Aşqabadda akkreditə olunmuş səfirləri və diplomatik nümayəndəliklərinin rəhbərləri İlham Əliyevə, Azərbaycan nümayəndə heyətinin üzvləri Türkmənistan prezidenti Qurbanqulu Berdiməhəmmədova təqdim edilib.

İlham Əliyevin Qurbanqulu Berdiməhəmmədovla təkbətək görüşü olub. Sonra dövlət başçıları nümayəndə heyətlərinin iştirakı ilə geniş tərkibdə bir araya gəliblər.