Rusiyalıların 71,7%-i maddi çətinlik yaşayır
Rusiya Xalq Təsərrüfatı və Dövlət Qulluğu Akademiyası əhalinin sosial vəziyyəti ilə bağlı sorğu keçirib. Novator.az-ın məlumatına görə, oktyabr ayında aparılan sorğu rusiyalıların 22%-nin yoxsulluq həddində yaşadığını göstərib. Əhalinin bu qismi yalnız minimal həcmdə ərzaq və dava-dərman almaq gücündə olduğunu vurğulayıb.
Sorğuya əsasən, əhalinin 35,6%-i ərzaq və geyim-kecim almaqda çətinlik çəkmir, ancaq uzun müddətə istifadə olunan malları (məsələn, mebel, soyuducu, kompüter, mobil telefon) əldə etmək gücündə deyil.
Sorğuya qatılanların 14,1%-i nisbətən normal yaşadığını, uzun müddətə istifadə olunan malları almağa şanslı olduğunu bəyan edib. Bununla belə, onlar maddi vəziyyətlərinin pisləşməsi təhlükəsi yaşayır.
Xalq Təsərrüfatı və Dövlət Qulluğu Akademiyası bildirir ki, sorğu iştirakçılarının 28,3%-i maddi vəziyyətindən şikayətçi deyil və həyat səviyyəsinin aşağı düşməsini gözləmir.
Beləliklə, rusiyalıların 71,7%-i bu və digər dərəcədə maddi çətinlik yaşayır və daim qənaət etmək məcburiyyətindədir.
