Belarus səfərində olan Azərbaycan prezidenti İlham Əliyev noyabrın 19-da Minsk şəhərindəki Qələbə meydanında 1941-1945-ci illər müharibəsində qələbənin şərəfinə ucaldılmış abidəni ziyarət edib.

AZƏRTAC xəbər verir ki, sonra İlham Əliyev Minskdəki Azərbaycan Ticarət Evi ilə tanış olub. Azərbaycan Ticarət Evi 2017-ci ilin mayında açılıb. Burada daimi fəaliyyət göstərən sərgidə Azərbaycanın 30 şirkətinin istehsal etdiyi müxtəlif növ məhsullar nümayiş olunur, həmçinin “ASAN” və “ABAD” stendləri, informasiya texnologiyaları şirkəti “Caspel”in nümayəndəliyinin stendi təqdim edilir.