Vergi orqanlarına müraciətlər 23,3% çoxalıb
2018-ci ilin oktyabr ayında vergi orqanlarına 11 min 45 müraciət daxil olub. Bu, ötən ilin müvafiq dövrü ilə müqayisədə 23,3% çoxdur.
Vergiler.az müraciətlərin 90,3%-nin ərizə, 9,6%-nin şikayət, 0,1%-nin təklif xarakterli olduğunu bildirir. Hesabata görə, müraciətlərin 80,3%-i tam, 0,2%-i qismən həllini tapıb, 17,7%-i barədə müvafiq izahatlar verilib, 0,7%-i baxılmamış saxlanıb, 0,7%-i əsassız sayılıb, 0,4%-i aidiyyəti üzrə göndərilib, 0,1%-i ilə bağlı icraata xitam verilib.
Ay ərzində vergi orqanlarının aidiyyəti struktur vahidlərinin rəhbərlərinin və digər vəzifəli şəxslərinin ümumilikdə 438 vətəndaşı qəbul etdiyi vurğulanır.
