Dövlət Miqrasiya Xidməti 2018-ci ilin oktyabr ayında qanunvericiliyin tələblərinin pozulması ilə əlaqədar 1541 qərar qəbul edilib. Qərarların 129-u ölkə hüdudlarından kənara inzibati qaydada çıxarılmaqla cəriməni nəzərdə tutub. Daha 407 qərar ölkə ərazisinə girişə məhdudiyyət qoyub.
967 qərarda inzibati cərimə cəzası yer alıb. Onların 765-i ölkəni tərk etməyə yönəlib, 202-si ölkə ərazisində yaşamanı qanuniləşdirib.
Rəsmi hesabata əsasən, əcnəbilərin olduğu yer üzrə qeydiyyatı ilə bağlı 47 min 985 müraciət olub. Ay ərzində ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətlərinin uzadılmasına görə 10 min 602 müraciət qeydə alınıb.
