“İncəsənət sosial inkişafda vasitə kimi”: yekun təqdimat keçirilib
Noyabrın 12-də “Qafqaz Baku City Hotel and Residences”də “İncəsənət sosial inkişafda vasitə kimi” layihəsinin ictimai təqdimatı keçirilib.
Bu layihə “Education HUB”ın təşkilatçılığı ilə “İnkişaf zamanı” proqramı çərçivəsində həyata keçirilir.
Layihənin əsas məqsədi sosial məsələlərin həllində incəsənət vasitələrindən istifadə edilməsinin təşviqidir.
“İnkişaf zamanı” proqramı çərçivəsində gənclər ekologiyanın qorunması, erkən nikahların qarşısının alınması üçün maarifləndirici sessiyalar, sosial şəbəkələrin zərəri, kitab oxuma vərdişlərinin aşılanması, nifrət nitqinin qarşısının alınması üçün forum teatrı, uşaq evindən olan məktəblilər üçün intellektual oyunlar təşkil ediblər. Eyni zamanda müxtəlif qısametrajli maarifləndirici filmlər və videoçarxlar hazırlanıb.
Üç ay müddətində həyata keçirilən layihələr zamanı Azərbaycanın müxtəlif bölgə və universitetlərindən olan gənclər bir araya gələrək incəsənət vasitələrindən istifadə etməklə sosial problemləri işıqlandırıblar.
