Azərbaycanda və başqa ölkələrdə birdəfəlik ödəmə
Azərbaycanda hərbi qulluqçu 11 min manat məbləğində sığorta edilir. Sığorta olunan şəxs həqiqi hərbi xidmətdə (toplanışda) həlak olduqda, öldükdə və ya xəbərsiz itkin düşdüyünə görə məhkəmə qərarı ilə ölmüş elan edildikdə; həqiqi hərbi xidmət (toplanış) zamanı xəsarət (yaralanma, travma, kontuziya) alması, habelə xəstələnməsi nəticəsində xidmətdən (toplanışdan) buraxılandan sonra üç il müddətində öldükdə; həqiqi hərbi xidmətdə (toplanışda) xəbərsiz itkin düşdükdə (məhkəmənin qanuni qüvvəyə minmiş qərarı olduqda) onun vərəsələrinə 11 min manat məbləğində birdəfəlik ödəmə verilir.
Novator.az bildirir ki, Ermənistan qanunvericiliyi döyüş şəraitində ölən və I qrup əlil olan hərbi qulluqçu üçün 10 milyon dram (35 min manata yaxın) təzminat nəzərdə tutur.
Analoji təzminat Gürcüstanda 100 min lari (62,8 min manat), Rusiyada 3 milyon 323,2 min rubl (83 min manat), Türkiyədə 400 min lirə (124 min manat), Ukraynada 1 milyon 380,7 min qrivna (84,3 min manat), ABŞ-da 100 min dollardır (170 min manat).
