ABŞ Konqresinə noyabrın 6-da keçirilmiş seçkilərin ilkin nəticələrində yenilik var. Novator.az bildirir ki, son məlumata görə, müxalif Demokratlar Partiyası 435 yerlik Nümayəndələr Palatasına 225 mandat əldə edir. İcra hakimiyyəti əlində olan Respublikaçılar Partiyası 200 yer götürür.

10 dairədə səsvermənin nəticələri bəlli deyil. Bu dairələrin 6-da demokratların öndə olduğu bildirilir.

35 üzvü seçilən 100 yerlik Senatda respublikaçılar 51, demokratlar 46 yerə sahib olur. Səslərin hələ hesablandığı Arizona ştatında demokrat namizəd, Florida ştatında respublikaçı namizəd liderlik edir.

Missisipi ştatından bir mandat üzrə ikinci tur təyin olunub. Səsvermə noyabrın 27-də keçiriləcək.

2017-ci ilin yanvarından prezident kürsüsündə Respublikaçılar Partiyasının nümayəndəsi Donald Tramp oturur.