Məhbus qiyamında həlak olanlar var
Noyabrın 8-nə keçən gecə Tacikistanın Xocənd şəhərindəki ciddi rejimli həbsxanada məhbuslar qiyam qaldırıb. Novator.az bildirir ki, qiyam yatırılarkən 25 məhbus öldürülüb, 2 polis zabiti həlak olub.
Məlumata görə, məhbuslardan biri həbsxana mühafizəçisinin avtomat silahını alaraq atəş açıb, ardınca bir qrup məhbus həbsxana korpusunu ələ keçirib. Qiyamı daxili işlər orqanlarının xüsusi təyinatlı qüvvələri yatırıb.
Ədliyyə Nazirliyinin Cəzaların İcrası Baş İdarəsinin açıqlamasına əsasən, hadisə yerində istintaq qrupu işləyir və qiyamın səbəbləri öyrənilir.
Səidə Hüseynova
