Nazirin reydləri
Müdafiə naziri Zakir Həsənov Hərbi Hava Qüvvələrinin (HHQ) yeni hərbi hissəsinin açılışında iştirak edib. O, hava hücumundan müdafiə bölmələrinin döyüş texnika və vasitələrinə, eləcə də yeni istifadəyə verilən qərargah, əsgər yataqxanası, yeməkxana, sıra meydanı, tibb məntəqəsi, hamam-qazanxana, digər xidməti və inzibati otaqlara baxış keçirib.
Mod.gov.az-ın 2 noyabr məlumatına görə, nazir hərbi hissənin silahlanmasındakı zenit-raket komplekslərinə nəzər salıb və HHQ-nin Döyüşü İdarəetmə Mərkəzində olaraq komandanlıq qarşısında müvafiq tapşırıqlar qoyub.
Noyabrın 3-də yayılan başqa bir rəsmi məlumata əsasən, Zakir Həsənov tikilməkdə olan bir sıra hərbi obyektlərə baş çəkib, inşaat işlərinin gedişatını yoxlayıb və müvafiq tapşırıqlar verib.
Nazir hərbi hissələrdə yaradılan şəraitlə tanış olub, xidməti və inzibati otaqlara, eləcə də hərbi texnikalar üçün nəzərdə tutulmuş saxlanclara reyd edib.
