2018-ci ilin 9 ayında vergi orqanlarına daxil olmuş 71 min 583 müraciətin 91,2 faizi ərizə, 8,5 faizi şikayət, 0,2 faizi təklif xarakterli olub. Vergilər Nazirliyinin rəsmi məlumatına görə, ötən ilin yanvar-sentyabr ayları ilə müqayisədə müraciətlərin sayı 4,4 faiz azalıb.

Hesabatda bildirilir ki, baxılmış müraciətlərin 70,6 faizi tam, 0,4 faizi qismən müsbət həll olunub, 24,7 faizi barədə müvafiq izahatlar verilib, 1,9 faizi baxılmamış saxlanıb, 1,6 faizi əsassız hesab olunub, 0,6 faizi aidiyyəti üzrə göndərilib, 0,1 faizi ilə bağlı icraata xitam verilib.

9 ay ərzində vergi orqanlarının aidiyyəti struktur bölmələrinin və vahidlərinin rəhbərləri və digər vəzifəli şəxsləri 3 min 136 vətəndaşı qəbul edib.