Varlıların varlısı
“Forbes” jurnalı Rusiyanın ən varlı 25 qadınının siyahısını açıqlayıb. Novator.az-ın məlumatına görə, siyahıya 1,2 milyard dollarlıq sərvətlə 55 yaşlı Yelena Baturina başçılıq edir.
“İnteco Management” şirkətinin prezidenti olan Yelena Baturina paytaxt Moskvanın sabiq meri Yuri Lujkovun həyat yoldaşıdır. Yuri Lujkov 1936-cı ildə anadan olub. Moskva meri postunu 1992-2010-cu illərdə tutub.
2-4-cü yerləri 600 milyon dollarlıq varidatla “Wildberries” internet mağazasının baş direktoru Tatyana Bakalçuk, özəl sərmayəçi Yelena Rıbolovleva və “S7” şirkətlər qrupunun direktorlar şurasının sədri Nataliya Pilyeva bölüşürlər.
Yelena Rıbolovleva Fransanın “Monako” futbol klubunun sahibi Dmitri Rıbolovlevin keçmiş həyat yoldaşıdır.
“Proqress Kapital” şirkətinin direktorlar şurasının üzvü Olqa Belyavtsevanın, özəl sərmayəçilər Lidiya Mixaylovanın və Liliya Rotenberqin 500 milyon dolları var.
