Əmək və Əhalinin Sosial Müdafiəsi Nazirliyi bildirir ki, Dövlət Sosial Müdafiə Fondunun İnsan Alveri Qurbanlarına Yardım Mərkəzi bu il Daxili İşlər Nazirliyinin İnsan Alverinə Qarşı Mübarizə Baş İdarəsinin yönləndirdiyi 78 nəfər insan alveri qurbanına müxtəlif növ yardımlar göstərib. Həmçinin qeyri-hökumət təşkilatlarının yönləndirdiyi 21 nəfər potensial insan alveri qurbanı (insan alveri təhlükəsi ilə üzləşmək riski olan şəxslər) yardımlarla təmin edilib.

Hesabata görə, ümumilikdə 99 nəfərin normal həyata qaytarılması üçün işlər görülüb. 13 nəfərin münasib iş yeri ilə təmin edilməsinə, 19 nəfərin peşə hazırlığına cəlb olunmasına, 14 nəfərin sosial sığınacağa yerləşdirilməsinə köməklik edilib. 43 nəfərə hüquqi, 36 nəfərə tibbi, 49 nəfərə psixoloji yardımlar göstərilib.