Gürcüstanda orta maaş nə qədərdir?
2017-ci ildə Gürcüstanda orta əməkhaqqı 999,1 lariyə (630,2 manat) yüksəlib. Novator.az bildirir ki, rəsmi hesabata görə, bu, 2016-cı illə müqayisədə 6,3%-lik artım deməkdir.
Ötən il ən yüksək orta maaş maliyyə və sığorta sistemində qeydə alınıb: 2008,3 lari. Elmi-texniki sahədə orta əməkhaqqı 1594,5 lari, tikinti sahəsində 1465,7 lari, informasiya və rabitə sahəsində 1425,7 lari olub.
Dövlət sektoru üzrə orta maaş 861,2 lari, özəl sektor üzrə 1077,1 lari göstərilir.
Rəsmi açıqlamaya görə, 2017-ci ildə Azərbaycanda işçilərin orta aylıq nominal əməkhaqqı 2016-cı ilə nisbətən 5,7 faiz artaraq 528,2 manat olub. 2018-ci il sentyabrın 1-nə orta aylıq nominal əməkhaqqı əvvəlki ilin müvafiq dövrünə nisbətən 3,1 faiz artaraq 541,2 manata çatıb.
