DSMF-dən qeydiyyat hesabatı
2018-ci il oktyabrın 1-nə Dövlət Sosial Müdafiə Fondunun (DSMF) fərdi uçot sistemində qeydiyyatda olanların sayı 3 milyon 690 min 120 nəfərə çatıb. Əmək və Əhalinin Sosial Müdafiəsi Nazirliyi bildirir ki, bu, ötən ilin müvafiq dövrü ilə müqayisədə 161 min 654 nəfər və ya 4,6 faiz çoxdur.
Rəsmi hesabata görə, oktyabrın 1-nə Azərbaycanda pensiya alanların sayı 1 milyon 309 min nəfər olub, pensiyaların orta aylıq məbləği 221,1 manata yüksəlib.
2018-ci ilin 9 ayında DSMF-nin gəlirləri ötən ilin müvafiq dövrü ilə müqayisədə 16,07 faiz, məcburi dövlət sosial sığorta haqları üzrə daxilolmalar 10,33 faiz artıb.
