Hər adamın 63 min dolları var
İsveçrənin “Credit Suisse” bankı rifah hesabatı yayıb. Novator.az-ın məlumatına görə, hesabatda bildirilir ki, 2018-ci ilin iyun ayına dünya əhalisinin ümumi varidatı 317 trilyon dollara çatıb. Bu, adambaşına 63 min dollar deməkdir.
Rifah reytinqində ABŞ öndə dayanır. Ölkədə əhalinin ümumi varidatı 98 trilyon dollar göstərilir. İkinci yerdə 52 trilyon dollarla Çin gəlir.
ABŞ-da əhalinin ən varlı 10%-lik təbəqəsi ölkənin ümumi sərvətinin 76%-nə sahibdir. Çində analoji göstərici 62%-dir.
Rusiyada əhalinin ümumi varidatı 2,2 trilyon dollardır. Ən varlı 10%-lik təbəqənin ölkənin ümumi sərvətinin 82%-nə sahib olduğu vurğulanır.
