Novator.az bildirir ki, son xəbərlərə əsasən, Krım yarımadasında, Kerç Politexnik Kollecinin yeməkxanasında törədilmiş terror aktında 17 nəfər həlak olub, 40-a yaxın şəxs yaralanıb.

Rusiyanın Milli Antiterror Komitəsi oktyabrın 17-si saat 12 radələrində baş verən hadisəni partlayıcı qurğunun işə düşməsi ilə əlaqələndirib.

Terror aktını törədən 18 yaşlı bir tələbənin intihar etdiyi vurğulanır. Məlumata görə, o, kollecin kitabxanasında özünü güllələyib.

Krım Ukraynanın ərazisidir. 2014-cü ilin fevralında Rusiya Krımı işğal edib, mart ayında özünə birləşdirib. Dünya birliyi bu ilhaqı tanımır.