İctimai iaşə və ödənişli xidmətlər hesabatı
2018-ci ilin yanvar-sentyabr aylarında ictimai iaşə dövriyyəsi ötən ilin müvafiq dövrü ilə müqayisədə real ifadədə 6 faiz artaraq 1 milyard 29,6 milyon manat olub. Novator.az-ın məlumatına görə, Dövlət Statistika Komitəsi bildirir ki, özəl sektorda ictimai iaşə dövriyyəsinin 41,8 faizi hüquqi şəxs statuslu müəssisələrin, 58,2 faizi fərdi sahibkarların payına düşüb.
Başqa bir rəsmi hesabata görə, yanvar-sentyabr aylarında əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 2,6 faiz artaraq 6 milyard 286,5 milyon manata çatıb. Hüquqi şəxslərin əhaliyə göstərdiyi xidmətlərin həcmi xidmətlərin ümumi dəyərinin 73,4 faizini təşkil edib.
Yanvar-sentyabr aylarında hər bir ölkə sakini orta hesabla 640,9 manatlıq və ya ötən ilin müvafiq dövrü ilə müqayisədə nominal ifadədə 25,9 manat çox müxtəlif ödənişli xidmətlərdən yararlanıb.
