Sahibsiz kücə heyvanları ilə bağlı fotosərgi
Bakıda sahibsiz kücə heyvanları ilə bağlı fotosərgi keçirilib.
Tədbir “İnkişaf zamanı” proqramına daxil olan “Real əfsanələr” layihəsi çərçivəsində reallaşdırılıb.
Oktyabrın 14-də “Caharşah” Yaradıcılıq Mərkəzində keçirilən fotosərgidə küçə heyvanlarının fotoları nümayiş olunub. Sərgi iştirakçıları burada sahibsiz küçə heyvanlarından bəhs edən hekaylərlə və layihə çərçivəsində oktyabrın 6-da baş tutmuş seminara qatılan şəxslərin heyvanların dilindən insanlara ünvanladığı məktublarla da tanış olublar.
“İnkişaf zamanı” təhsil proqramıdır. Proqram “Education HUB” qurumunun təşkilatçılığı ilə həyata keçirilir. Sözügedən təhsil proqramı üzrə “İncəsənət sosial inkişafda vasitə kimi” layihəsi də icra olunur. Layihədə əsas məqsəd sosial məsələlərin həllində incəsənət vasitələrindən istifadə edilməsinin təşviqidir.
