Etimad Əsədov vəfat edib
Qarabağ Qaziləri Birliyinin sədri, 1-ci qrup müharibə əlili Etimad Əsədov oktyabrın 16-da vəfat edib. O, ağ ciyər xərçəngindən əziyyət çəkirdi.
Əsədov Etimad Savalan oğlu 1963-cü il dekabrın 20-də Ağdam rayonunun Papravənd kəndində anadan olub. 1980-ci ildə həmin kənddə orta məktəbi bitirib. 1982-1984-cü illərdə Sovet Ordusu sıralarında həqiqi hərbi xidmət keçib.
Bir müddət Rusiyada yaşayan Etimad Əsədov 1991-ci ildə erməni işğalına qarşı döyüşmək üçün Azərbaycana qayıdıb. 836 saylı Ağdam batalyonunda xidmət edib. 1992-ci ildə Ağdərə istiqamətində gedən döyüşdə bir ayağını itirib.
1993-cü ildən Qarabağ Əlillər Cəmiyyətinin, 2002-ci ildən Qarabağ Qaziləri Birliyinin sədri olub.
Sankt-Peterburq Xarici İqtisadi Əlaqələr və Hüquq İnstitutunun məzunudur.
Ailəlidir, iki övladı var.
Allah rəhmət eləsin!
