Turistləri hansı şəhərlər cəlb edir?
“Mastercard” şirkətinin ekspertləri turistlər üçün ən cəlbedici şəhərlərin reytinqini açıqlayıb.
Novator.az-ın məlumatına görə, 2017-ci il üzrə siyahı tərtib olunarkən insanların ən çox hansı şəhərlərə səfər etməsi, orada nə qədər qalması və xərclədikləri pulun məbləği analiz edilib.
Reytinqin ilk pilləsində Banqkok (Tailand) qərarlaşır. 2017-ci ildə bu şəhəri 20 milyon əcnəbi turist ziyarət edib. Banqkokda turistlərin əksəri 5 gün qalır və gündə adambaşına 170 dollara yaxın pul xərcləyir.
İkinci yerdə London (Böyük Britaniya) gəlir. Ötən il bu şəhərə 19,8 milyon əcnəbi gəlib və hər biri gündə 153 dollar xərcləyib.
Üçüncü pillədə Paris (Fransa) dayanır. Ötən il Parisə 17,5 milyon əcnəbi səfər edib, onların gündəlik xərcləri 301 dollar olub.
Turistlər üçün ən cəlbedici şəhərlərin arasında ən az xərc aparan İstanbuldur (Türkiyə). Bu şəhərdə bir əcnəbi turist günə 100 dollardan bir qədər çox pul xərcləyir.
Turistlər ən çox Dubayda (Birləşmiş Ərəb Əmirlikləri) pul xərcləməli olurlar: günə 540 dollar.
Səidə Hüseynova
