Xarici İşlər Nazirliyində mətbuat xidmətinin rəhbəri vəzifəsinin səlahiyyətlərini icra etmək Leyla Abdullayevaya tapşırılıb.

“Turan”ın məlumatına görə, Leyla Yaşar qızı Abdullayeva 2002-ci ildən Xarici İşlər Nazirliyində işləyir. O, nazirliyin mərkəzi aparatında, Azərbaycanın NATO-dakı, Avropa İttifaqı yanındakı nümayəndəliklərində, Belçikadakı səfirliyində çalışıb.

İlk dəfədir Xarici İşlər Nazirliyində mətbuat xidmətinə xanım diplomat rəhbərlik edir.

Xarici İşlər Nazirliyinin əvvəlki sözçüsü Hikmət Hacıyev ötən ay Prezident Administrasiyasının xarici əlaqələr şöbəsinin müdir müavini təyin olunub.