Kredit və əmanət göstəriciləri açıqlanıb
Avqust ayında Azərbaycanda kreditlər artıb, əmanətlər isə azalıb. Mərkəzi Bankın yeni hesabatlarından belə görünür.
Novator.az bildirir ki, rəsmi statistikaya görə, sentyabrın 1-nə kreditlərin məbləği 11 milyard 905,5 milyon manat olub. Avqustun 1-nə kreditlərin məbləği 11 milyard 769,6 milyon manat idi.
Başqa bir hesabata əsasən, sentyabrın 1-nə əmanətlərin həcmi 8 milyard 20,8 milyon manat həddində rəsmiləşib. Avqustun 1-nə əmanətlərin həcmi 8 milyard 49,5 milyon manat göstərilmişdi.
Kreditlərin məbləği yanvarın 1-nə 11 milyard 337,6 milyon manat, əmanətlərin həcmi 7 milyard 561,2 milyon manat olub.
